ചിന്താക്രാന്തൻ

13 April 2012

ചെറു കഥ . ദൃഷ്ടാന്തം

      
ചെറു കഥ . ദൃഷ്ടാന്തം, ചിത്രം കടപ്പാട് ആര്‍ട്ട്‌ ഓഫ് ഡ്രോയിംഗ്
          വിശ്വാസങ്ങള്‍ക്ക് പ്രാധാന്യം നല്‍കുന്ന നാട്ടിന്‍ പുറത്ത് ജീവിക്കുന്ന ചില മനുഷ്യ ജന്മങ്ങളില്‍ പ്രതിക്ഷിക്കാതെ ജീവിത സാഹചര്യത്തില്‍ വന്നു ഭവിക്കുന്ന ചില നഗ്‌നസത്യം. ഈ കഥയിലെ പ്രിയപെട്ടവര്‍ മാളൂ എന്ന് വിളിക്കുന്ന മാളവികയുടേയും, ഉണ്ണീ എന്ന് വിളിക്കുന്ന ഉണ്ണികൃഷ്ണന്റെയും ജീവിതത്തില്‍ സംഭവിച്ചതും സംഭവിക്കാന്‍ പാടില്ലാത്തതായിരുന്നു. പക്ഷെ ജീവിത സാഹചര്യത്തില്‍ അങ്ങിനെ ഒന്ന് സംഭവിക്കാനായിരുന്നു വിധി. അല്ലെങ്കിലും വിധിയെ തടുക്കുവാന്‍ ആര്‍ക്കും കഴിയുകയില്ലല്ലോ.

നിര്‍ത്താതെയുള്ള ആട്ടിന്‍കുട്ടിയുടെ കരച്ചില്‍ കേട്ടപ്പോള്‍ മാളു പറഞ്ഞു.
ഞാന്‍ ഇതാവരുന്നു അമ്മിണിക്കുട്ടി, എന്തൊരു കരച്ചിലാണ് ഇത്. മഴ ആയത് കൊണ്ടല്ലേ നിന്നെ ഞാന്‍ കൂട്ടില്‍ നിന്നും പുറത്ത് ഇറക്കാതെ ഇരുന്നത്. ഈ ചോറ് ഊറ്റി വെച്ചിട്ട് ഞാന്‍ ഇപ്പോള്‍ വരാട്ടോ.
അത്താഴത്തിനുള്ള ചോറ് തിടുക്കത്തില്‍ ഊറ്റി വെച്ച് മാളു പുറത്തേക്ക് ഇറങ്ങി. ആകാശത്തെക്കുനോക്കിയപ്പോള്‍, ആകാശം മേഘാവൃതമായിരിക്കുന്നു. രാവിലെ മഴയായിരുന്നതുകൊണ്ട് അമ്മിണിക്കുട്ടിയെ പുല്ല് തീറ്റിക്കാന്‍ പാടത്തേക്ക് കൊണ്ട് പോകുവാന്‍ കഴിഞ്ഞിരുന്നില്ലായിരുന്നു. മഴയെ ശപിച്ചുക്കൊണ്ട് മാളു മുള്ളുകള്‍ കൊണ്ട് കെട്ടിയുണ്ടാക്കിയ ആട്ടിന്‍ കൂടിന്റെ വാതില്‍ തുറന്ന് ആടിനെ പുറത്ത് ഇറക്കി. ആട്ടിന്‍കുട്ടിയെ കെട്ടിയിരുന്ന കയറിന്റെ ഒരറ്റം പിടിച്ച് പാടത്തേക്ക് ലക്ഷ്യമാക്കി നടന്നു. പാടത്ത് പോയാല്‍ നല്ല ഇളം പുല്ല് കിട്ടും. വരമ്പിലൂടെ നടക്കുമ്പോള്‍ അമ്മിണി കുട്ടി ആര്‍ത്തിയോടെ ഇളം പുല്ല് തിന്നുന്നത് കണ്ടപ്പോള്‍ മാളു പറഞ്ഞു.
എന്തൊരു കൊതിയാ എന്റെ അമ്മിണിക്കുട്ടിക്ക്’
അപ്പോഴാണ് തൊടിയില്‍ നിന്ന് മാളുവിന്റെ അച്ഛന്‍ രാഘവന്റെ വിളി കേട്ടത്. മാളു തിടുക്കത്തില്‍ മുന്നേ തറച്ചിട്ടിരുന്ന കുറ്റിയില്‍ കയറിന്റെ ഒരറ്റം കെട്ടിയിട്ട് വീട്ടിലേക്ക് തിരികെ നടന്നു. മാളുവിന്റെ അച്ഛന്‍, മാരാരാണ്. ഉത്സവങ്ങള്‍ ഇല്ലാത്ത ദിവസങ്ങളില്‍ നാടന്‍ പണിക്ക് അയാള്‍ പോകുമായിരുന്നു. ഇന്ന് പാടത്ത് മരുന്ന് തെളിക്കലായിരുന്നു പണി. ഉച്ചയ്ക്ക് തന്നെ പണി കഴിഞ്ഞുവന്ന് ഉച്ചയൂണും, ഉറക്കവും കഴിഞ്ഞ് അടുത്തുള്ള കവലയിലേക്ക് പോയതായിരുന്നു രാഘവന്‍. കയ്യില്‍ തൂക്കി പിടിച്ച സഞ്ചി മാളുവിന്റെ നേര്‍ക്ക് നീട്ടി കൊണ്ട് രാഘവന്‍ പറഞ്ഞു,
രണ്ടു ദിവസത്തേക്ക് ഉള്ള അരിയും ചില്ലാനവും, അമ്മിണിക്കുട്ടിക്ക് ഉള്ള പിണ്ണാക്കും ഉണ്ട് ഇത് അങ്ങ് അകത്ത് കൊണ്ട് പോയി വെച്ചേക്കു
മാളു സഞ്ചിയും ആയി അകത്തേക്ക് പോകുവാന്‍ തുനിഞ്ഞപ്പോള്‍ രാഘവന്‍ പറഞ്ഞു.
ഞാന്‍ കവലയില്‍ വെച്ച് കൃഷ്ണന്‍കുട്ടി മാരാരെ കണ്ടിരുന്നു. അകലെ എവിടെയോ ഇന്നും, നാളെയും ഉത്സവം ഉണ്ടത്രെ. അച്ഛന്‍ ഇന്ന് പോയാല്‍ മറ്റന്നാളെ വരികയുള്ളു, മോള്‍ക്ക്കൂട്ടിന് ഭാര്‍ഗവിയമ്മയോട് വന്നുകിടക്കാന്‍ പറയാം. അച്ഛന്‍ പോകുമ്പോള്‍ അതുവഴി പോകാം.
ഭാര്‍ഗവിയമ്മയുടെ വീട് രാഘവന്റെ വീട്ടില്‍ നിന്നാല്‍ കാണാം. രാഘവന്റെ ഒരു അകന്ന ബന്ധു ആണ് ഭാര്‍ഗവിയമ്മ. ഭാര്‍ഗവിയമ്മയുടെ കൂടെ മകളുടെ മകന്‍ ഉണ്ണികൃഷ്ണനും താമസിക്കുന്നുണ്ട്. അവന്‍ അടുത്തുള്ള വിദ്യാലയത്തില്‍ പ്ലസ്ടുവിന് പഠിക്കുന്നു. ഉണ്ണിയുടെ അമ്മയ്ക്ക് ഉണ്ണി കൂടാതെ നാലു മക്കള്‍ വേറേയും ഉണ്ട് മക്കളില്‍ നാലാമത്തെയാണ് ഉണ്ണി. ഭാര്‍ഗവിയമ്മക്ക് ഉണ്ണിയുടെ അമ്മ കൂടാതെ ഒരു മകന്‍ കൂടി ഉണ്ട് അയാള്‍ക്ക് ആസാമിലെ ഒരു സ്ഥാപനത്തിലാണ് ജോലി. അയാള്‍ ആസാം കാരിയെ വിവാഹം ചെയ്ത് മക്കളുമൊത്ത് ആസാമില്‍ തന്നെ കഴിയുന്നു. ഉണ്ണി ചെറുപ്പംമുതല്‍ ഭാര്‍ഗവിയമ്മയുടെ കൂടെ തന്നെയാണ് താമസം. രാഘവന്‍ ഉത്സവത്തിന് പോകാറുള്ള ദിവസം ഭാര്‍ഗവിയമ്മയും, ഉണ്ണിയുമാണ് മാളുവിന് കൂട്ട് കിടക്കാറ് പതിവ്.
രാഘവന്‍ മാളുവില്‍ നിന്നും ചായ വാങ്ങി കുടിച്ച് ചെണ്ട എടുത്ത് പൊടി തട്ടി തിടുക്കത്തില്‍ നടന്നു. രാഘവന്‍ നടവരമ്പിലൂടെ നടന്ന് പോകുന്നത് കണ്ടപ്പോള്‍ മാളു ഓര്‍ക്കുകയായിരുന്നു.
അമ്മ മരണപെട്ടിട്ട് നാലു വര്‍ഷം തികയുന്നു. അമ്മ മരണപെടുമ്പോള്‍ താന്‍ പത്താംതരത്തില്‍ പഠിക്കുക്കയായിരുന്നു. അച്ഛന് എന്ത് സ്‌നേഹമായിരുന്നു അമ്മയോട്, പണി കഴിഞ്ഞു വന്നാല്‍ പിന്നെ അച്ഛന്‍ എങ്ങും പോവില്ല. അമ്മയെ വീട്ടിലെ പണികള്‍ ചെയ്യുവാന്‍ സഹായിച്ച്, അമ്മയുടെ നിഴലായി കൂടെ എപ്പോഴും ഉണ്ടാകും അച്ഛന്‍. അമ്മ അച്ഛന്റെ മടിയില്‍ കിടന്നു മരണപെടുമ്പോള്‍ ഒന്ന് മാത്രമേ അമ്മയ്ക്ക് പറയുവാന്‍ ഉണ്ടായിരുന്നുള്ളൂ. അച്ചനോട് വേറെയൊരു വിവാഹം കഴിക്കണം എന്നും തന്റെ വിവാഹം എത്രയും പെട്ടന്ന് നടത്തികൊടുക്കണം എന്നും. പക്ഷെ അച്ഛന് വേറെയൊരു വിവാഹത്തിന് സമ്മതം ആയിരുന്നില്ലാ. തന്റെ വിവാഹം എത്രയുംവേഗം നടത്തണം എന്നേ അച്ഛന് ആഗ്രഹം ഉണ്ടായിരുന്നുള്ളൂ. ഒരുപാട് വാത്സല്യം നല്‍കിയാണ് അച്ഛന്‍ തന്നെ വളര്‍ത്തിയിരുന്നത്. താന്‍ എത്രയോ ആള്‍ക്കാരുടെ മുന്‍പില്‍ ചമഞ്ഞൊരുങ്ങി നിന്നിരിക്കുന്നു. കാണുവാന്‍ വരുന്നവര്‍ക്ക് തന്നെ ഇഷ്ടപെടും. പക്ഷെ ജാതക കുറിപ്പ് കൊണ്ട് പോയാല്‍ പിന്നെ ആരുടേയും ഒരു വിവരവും ഉണ്ടാവില്ല. അല്ലെങ്കില്‍ തന്നെ ചൊവ്വാദോഷം ഉള്ള തന്നെ ആരാണ് വിവാഹം കഴിക്കാന്‍ തയ്യാറാവുക മംഗല്യത്തിനുള്ള ഭാഗ്യം ഇല്ലാ എന്ന് തനിക്ക് എന്നേ അറിയാം. വിവാഹം കഴിഞ്ഞാല്‍ ഭര്‍ത്താവിന് അകാലമരണം ഉറപ്പ് ജാതകത്തില്‍ ഇങ്ങിനെയൊരു കുറിപ്പ് കണ്ടാല്‍ പിന്നെ ആരാണ് തന്നെ വിവാഹം ചെയ്യാന്‍ തയ്യാറാവുക?
എന്താ മാളു ഓര്‍ത്തുകൊണ്ട് നില്‍ക്കുന്നത് ?
ഉണ്ണിയുടെ ചോദ്യം കേട്ടാണ് മാളു ചിന്തകളില്‍ നിന്നും ഉണര്‍ന്നത്.
ഹേയ് ഒന്നുമില്ല വെറുതെ ഓരോന്ന് ചിന്തിച്ചു പോയി. ഉണ്ണി പഠിപ്പ് കഴിഞ്ഞ് വരുന്ന വഴിയാണോ? എന്താ ഉണ്ണി ക്ലാസ്സ് കഴിഞ്ഞ് വരുവാന്‍ വൈകിയത്?
ഇന്ന് എനിക്ക് സ്‌പെഷ്യല്‍ ക്ലാസ്സ് ഉണ്ടായിരുന്നു മാളു
ഉണ്ണിയുടെ അച്ഛനും അമ്മയും പെങ്ങളും വന്നിട്ടുണ്ട്.

ഉവ്വോ എന്നാല്‍ ഞാന്‍ പോകുന്നു
ഉണ്ണി തിടുക്കത്തില്‍ പോകുവാന്‍ തുടങ്ങിയപ്പോള്‍ മാളു പറഞ്ഞു.
ഉണ്ണി അച്ഛന്‍ ഉത്സവത്തിന് പോയിരിക്കുകയാണ് മുത്തശ്ശിയോട് എനിക്ക് കൂട്ട് കിടക്കാന്‍ വരുവാന്‍ പറയണം.

പറയാം.
എന്ന് പറഞ്ഞ് ഉണ്ണി തിടുക്കത്തില്‍ വീട്ടിലേക്ക് നടന്നു.
മാളു ഓര്‍ത്തു പ്ലസ്സ്ടൂവിനു പോകുവാന്‍ തുടങ്ങിയപ്പോള്‍ ഉണ്ണി ആകെ മാറിയിരിക്കുന്നു. മുണ്ടിനു പകരം പാന്റ് ആയിരിക്കുന്നു അവന്റെ വേഷം. തന്നേക്കാളും രണ്ടു വയസ്സിന് താഴെയാണ് ഉണ്ണി. താന്‍ മുന്നാം ക്ലാസ്സില്‍ പഠിക്കുമ്പോഴാണ് ഉണ്ണിയെ അതേ വിദ്യാലയത്തില്‍ ഒന്നാം ക്ലാസ്സില്‍ ചേര്‍ത്തത്. അന്നുമുതല്‍ പത്താംക്ലാസില്‍ തോറ്റു വിദ്യാലയത്തിന്റെ പടി ഇറങ്ങുന്നത് വരെ ഉണ്ണിയുമൊത്താണ് വിദ്യാലയത്തിലേക്ക് പോകുന്നതും വരുന്നതും. ആദ്യമൊക്കെ മാളു ചേച്ചി എന്നാണ് തന്നെ വിളിച്ചിരുന്നത് ഇപ്പോള്‍ ആ വിളിയിലും മാറ്റംവരുത്തിയിരിക്കുന്നു. ഇപ്പോള്‍ മാളു എന്നാണ് വിളിക്കുന്നത്. പത്താംതരം തോറ്റപ്പോള്‍ മാളു പഠനം നിറുത്തിയിരുന്നു. ഉണ്ണി പഠിക്കാന്‍ മിടുക്കനായിരുന്നു അതുകൊണ്ടുതന്നെ നല്ല മാര്‍ക്കോട് കൂടി പത്താംതരം വിജയിക്കുകയും ചെയ്തു.
മാളു ആട്ടിന്‍ കുട്ടിയെ പാടത്ത് നിന്നും അഴിച്ചുകൊണ്ട് വന്നു കഞ്ഞി വെള്ളം കൊടുത്തു കെട്ടിയപ്പോഴേക്കും നേരം നന്നേ ഇരുട്ടിയിരുന്നു. മാളു റാന്തല്‍ കത്തിക്കുമ്പോഴാണ് ഉണ്ണി കയറി വന്നത്. മാളു ചോദിച്ചു,
എവിടെ ഉണ്ണി. മുത്തശ്ശി?
മുത്തശ്ശി വന്നില്ലാ അമ്മയുമായി വര്‍ത്തമാനത്തിലാണ്. എന്നോട് മാളുവിന് കൂട്ട് കിടക്കുവാന്‍ പറഞ്ഞു
കുറച്ചു കഴിഞ്ഞപ്പോള്‍ മഴ പെയ്യുവാന്‍ തുടങ്ങി. കുറെ സമയം മാളുവും ഉണ്ണിയും സംസാരിച്ചിരുന്നു സംസാരത്തിന് ഇടയില്‍ ഉണ്ണി പറഞ്ഞു,
എന്തൊരു മഴയാ ഇത് എനിക്ക് കുളിരുന്നു.
എന്നാല്‍ ഞാന്‍ ഊണ് വിളമ്പാം.
ഉണ്ണിക്ക് ഊണ് കൊടുത്തിട്ട് പുറത്തുള്ള രാഘവന്റെ മുറിയില്‍ പായ വിരിച്ച് മാളു പറഞ്ഞു.
ഉണ്ണി കിടന്നോളു ഞാന്‍ അച്ഛന്റെ മുറിയില്‍ ഉണ്ണിക്ക് പായ വിരിച്ചിട്ടുണ്ട്.
ഉണ്ണി കിടന്നപ്പോള്‍ മാളു അടുക്കളയില്‍ പോയി ഊണ് കഴിച്ച് പാത്രങ്ങള്‍ എല്ലാം കഴുകി വെച്ച് മാളുവിന്റെ മുറിയില്‍ വന്ന് ഉറക്കമായപ്പോഴാണ് ഉണ്ണിയുടെ വിളി കേട്ടത്.
ഇവിടെ എല്ലാം ചോരുന്നു മാളു.
അപ്പോള്‍ മാളു പറഞ്ഞു
എന്നാല്‍ ഇവിടെ അകത്ത് വന്ന് കിടന്നോളു ഉണ്ണീ
മാളു രാഘവന്റെ മുറിയില്‍ പോയി പായ എടുത്ത് കൊണ്ട് വന്ന് നടോകത്ത് ഉണ്ണിക്കായി പായ വിരിച്ചു. മുന്‍വശത്തെ കതകടച്ച് സാക്ഷ ഇട്ട് തിരിഞ്ഞപ്പോള്‍, ഉണ്ണി മാളുവിന്റെ മാറിലേക്ക് തന്നെ നോക്കി നില്‍ക്കുകയായിരുന്നു. അപ്പോഴാണ് കിടക്കുവാന്‍ നേരം അഴിച്ചു വെച്ച ധാവണിയെ കുറിച്ച് മാളു ഓര്‍ത്തത്. ധാവണി എടുക്കുവാനായി മാളു തുനിഞ്ഞപ്പോള്‍ ഉണ്ണി മാളുവിന്റെ കൈ കടന്നു പിടിച്ചു.
എന്താ ഉണ്ണീ ഈ കാണിക്കുന്നത് ?
മാളു കുതറി മാറാന്‍ ശ്രമിച്ചപ്പോള്‍ ഉണ്ണി മാളുവിനെ മാറോട് ചേര്‍ത്ത് തുരു തുരാ ഉമ്മ വെച്ചു, അപ്പോള്‍ മാളു കരഞ്ഞു കൊണ്ട് ശക്തിയോടെ ഉണ്ണിയെ തള്ളിയപ്പോള്‍ അയാള്‍ നിലത്തേക്ക് വീണു. അപ്പോഴൊക്കെ രണ്ടു പേരും വിറക്കുന്നുണ്ടായിരുന്നു
അരുത് ഉണ്ണി ഇങ്ങിനെയൊന്നും പാടില്ല
മാളു തിടുക്കത്തില്‍. മാളു കിടന്നിരുന്ന മുറിയില്‍ കയറി കതകടച്ച് സാക്ഷയിട്ടു ഉറങ്ങുവാന്‍ കിടന്നു. എത്ര ശ്രമിച്ചിട്ടും മാളുവിന് ഉറങ്ങുവാന്‍ കഴിഞ്ഞില്ല. ഇങ്ങിനെയൊരു പ്രവര്‍ത്തി ഉണ്ണിയില്‍ നിന്നും മാളു പ്രതീക്ഷിച്ചിരുന്നില്ലായിരുന്നു.
കുഞ്ഞുനാള്‍ മുതല്‍ അച്ഛന്‍ ഉത്സവങ്ങള്‍ക്ക് പോകുമ്പോഴൊക്കെ മാളുവിനും അമ്മയ്ക്കും കൂട്ട് കിടക്കുവാന്‍ ഭാര്‍ഗവിയമ്മയുടെ കൂടെ ഉണ്ണി വന്നാല്‍ ഉണ്ണിയും മാളുവും ഒരു പായയിലാണ് ഉറങ്ങുവാന്‍ കിടക്കാറ് പതിവ്. അതില്‍നിന്നും മാറ്റം വന്നത് മാളു വലിയ പെണ്‍കുട്ടി ആയതിന് ശേഷമാണ്. ഒരു ദിവസം മാളു പ്രായപൂര്‍ത്തിയായചടങ്ങുകള്‍ കഴിഞ്ഞ ശേഷം, രാഘവന്‍ ഉത്സവത്തിന് പോയ ദിവസ്സം ഭാര്‍ഗവിയമ്മയുടെ കൂടെ ഉണ്ണി കൂട്ട് കിടക്കാന്‍ വന്നപ്പോള്‍ ഭാര്‍ഗവിയമ്മ തന്നെയാണ് ഉണ്ണിയോട് പറഞ്ഞത്,
ഉണ്ണി ഇനി മുതല്‍ അകത്ത് കിടക്കുവാന്‍ പാടില്ലാട്ടോ. മാളു ചേച്ചി ഇപ്പോള്‍ വലിയ പെണ്‍കുട്ടിയായി. ഇനി മുതല്‍ എന്റെ കുട്ടി പുറത്തെ മുറിയില്‍ കിടന്നാല്‍ മതീട്ടോ.
ഭാര്‍ഗവിയമ്മ പുറത്തെ മുറിയില്‍ ഉണ്ണിക്ക് പായ വിരിച്ചു കൊടുക്കുമ്പോള്‍ ഉണ്ണിയുടെ മുഖത്ത് അങ്കലാപ്പായിരുന്നു.
നേരം പുലര്‍ന്നപ്പോള്‍ മാളു മുറിയില്‍ നിന്നും പുറത്തിറങ്ങിയപ്പോള്‍, ഉണ്ണി നേരത്തെ തന്നെ പോയിരുന്നു. പിന്നീട് എപ്പോഴും ഒരു അകല്‍ച്ച ഉണ്ണിയില്‍ നിന്നും മാളുവിന് നേരിടേണ്ടിവന്നു. വര്‍ഷങ്ങള്‍ പലതും കൊഴിഞ്ഞു പോയി. മാളുവിന്റെ വിവാഹം നടന്നില്ല. കലാലയ വിദ്യാഭ്യാസം കഴിഞ്ഞ് ഉണ്ണി അടുത്തുള്ളൊരു വിദ്യാലയത്തില്‍ പഠിപ്പിക്കുവാന്‍ പോകുന്നുണ്ട്. മാളുവിന് ഇരുപത്തിയഞ്ച് വയസ്സും ഉണ്ണിക്ക് ഇരുപത്തി മൂന്ന് വയസും കഴിഞ്ഞിരിക്കുന്നു.
പതിവുപോലെ രാഘവന്‍ ഉത്സവത്തിന് പോയ ദിവസ്സം. ഭാര്‍ഗവിയമ്മക്ക് പെട്ടന്ന് തലക്കറക്കം അനുഭവപെട്ടു. ആശുപത്രിയില്‍ കൊണ്ട് പോയപ്പോള്‍ രണ്ടു ദിവസം അവിടെ കിടത്തി ചികിത്സിക്കണം എന്ന് ഡോക്ടര്‍ പറഞ്ഞു. ഉണ്ണിയുടെ അമ്മ ഭാര്‍ഗവിയമ്മയുടെ അരികില്‍ എത്തിയപ്പോള്‍ ഭാര്‍ഗവിയമ്മ ഉണ്ണിയോട് പറഞ്ഞു.
ഇരുട്ടായി തുടങ്ങിയിരിക്കുന്നു .മാളു അവിടെ തനിച്ചാണ്, പാവം അവള് ഇപ്പോള്‍ ശെരിക്കും പേടിച്ചിട്ടുണ്ടാവും. എന്റെ കുട്ടി പൊയ്‌ക്കോളു
ആശുപത്രിയില്‍ നിന്നും ഉണ്ണി നേരെ മാളുവിന്റെ അരികിലേക്കാണ് പോയത് .കവലയില്‍ ബസ്സിറങ്ങി കുറച്ചു ദൂരം നടന്നപ്പോള്‍. ഇടിയോടുകൂടിയ മഴ പെയ്യുവാന്‍ തുടങ്ങി. ഇരുട്ടില്‍ നടവരമ്പിലൂടെ നടക്കുമ്പോള്‍ ഉണ്ണി മഴ കൊണ്ട് ശരീരമാസകലം നനഞ്ഞിരുന്നു. വീടിന്റെ വരാന്തയില്‍ കയറി കതകില്‍ തട്ടി കൊണ്ട് ഉണ്ണി മാളുവിനെ ഉച്ചത്തില്‍ വിളിച്ചു.
മാളു കതക് തുറക്കു ഞാന്‍ ഉണ്ണിയാണ്
നിറുത്താതെ കതകില്‍ മുട്ടുന്ന ശബ്ദം കേട്ടപ്പോള്‍ അകത്തെ കുളിപ്പുരയുടെ കതക് തുറന്ന് മാളു വിളിച്ചു പറഞ്ഞു.
ആരാ ഉണ്ണിയാണോ ? ഞാന്‍ കുളിക്കുകയാണ് ഉണ്ണി.. കഴിയാറായി ഇപ്പോള്‍ വരാട്ടോ
തിടുക്കത്തില്‍ കുളിച്ച് വസ്ത്രം മാറി മാളു കതക് തുറന്നപ്പോള്‍, ഉണ്ണി കതകിന് മുന്‍പില്‍ തന്നെ നില്‍ക്കുകയായിരുന്നു. ശരീരമാസകലം നനഞ്ഞു നില്‍ക്കുന്ന ഉണ്ണിയെ കണ്ടപ്പോള്‍ മാളു പറഞ്ഞു.
എന്താ ഉണ്ണി ഇത് ആശുപത്രിയില്‍ പോകുമ്പോള്‍ കുട എടുക്കാതെയാണോ പോയത് ?
മുടിയില്‍ കെട്ടി വെച്ചിരുന്ന തോര്‍ത്ത് തിടുക്കത്തി ല്‍ അഴിച്ചെടുത്ത് മാളു ഉണ്ണിയുടെ തല തോര്‍ത്തുവാന്‍ തുടങ്ങി അപ്പോള്‍
ഉണ്ണി മഴ നനഞ്ഞ് തണുത്ത് വിറക്കുന്നുണ്ടായിരുന്നു. തോര്‍ത്തി കൊടുക്കുമ്പോള്‍ ഉണ്ണിയുടെ ശ്വാസം മാളുവിന്റെ മുഖത്തേക്ക് പതിക്കുന്നുണ്ടായിരുന്നു. അപ്പോള്‍ തോര്‍ത്ത് മാളുവിന്റെ കൈകളില്‍ നിന്നും താഴെ വീഴുന്നത് കണ്ടപ്പോള്‍ പെട്ട ന്ന് ഉണ്ണി തോര്‍ത്ത് പിടിക്കാനായി കുനിഞ്ഞതും, ഉണ്ണിയുടെ മുഖം മാളുവിന്റെ മാറില്‍ തട്ടി. പിന്നെ ഉണ്ണി
മാളൂ ….എനിക്ക് നീ ഇല്ലാതെ ജീവിക്കുവാന്‍ കഴിയില്ലാ
മാളുവിനെ ഉണ്ണി മാറോട് ചേര്‍ത്തു. ഉണ്ണിയുടെ ബലിഷ്ഠമായ കൈകളില്‍ നിന്നും മാളുവിന് തെന്നി മാറുവാന്‍ കഴിഞ്ഞില്ല. ജീവിതത്തില്‍ അന്നേവരെ അറിയാത്ത ഒരു പുതിയ സുഖത്തിലേക്ക് വഴുതി വീഴുകയായിരുന്നു അപ്പോഴവര്‍. പിന്നെ എല്ലാം മറക്കുയായിരുന്നു മാളു. പതുക്കെപ്പതുക്കെ മാളുവിന്റെ കൈകള്‍ ഉണ്ണിയെ വരിഞ്ഞു മുറുക്കി.
പുലര്‍ച്ചെ കോഴി കൂവുന്നത് കേട്ട് കൊണ്ടാണ് മാളു ഉറക്കം ഉണര്‍ന്നത്. അപ്പോള്‍ മാളുവിന്റെ ശരീരത്തോട് ചേര്‍ന്ന് സുഖനിദ്രയില്‍ ആയിരുന്നു ഉണ്ണി. മാളു ഓര്‍ക്കുകയായിരുന്നു. ഇരുപത്തിയഞ്ച് വര്‍ഷം കാത്തു സൂക്ഷിച്ച തന്റെ ചാരിത്ര്യം ഒരു രാത്രികൊണ്ട് ഉണ്ണി കവര്‍ന്നെടുത്തിരിക്കുന്നു. മാളു വസ്ത്രങ്ങള്‍ നേരെയാക്കി പതുക്കെ ഉണ്ണിയെ വിളിച്ചു . ഉണ്ണിക്ക് അപ്പോള്‍ കുറ്റബോധം ആയിരുന്നു മനസ്സ് നിറയെ. ഉണ്ണി ഇടറുന്ന സ്വരത്തില്‍ പറഞ്ഞു,
എനിക്ക് തെറ്റ് പറ്റി പോയി മാളൂ. ഇനി ഇത് ഒരിക്കലും ആവര്‍ത്തിക്കില്ല.
മാളു ഉണ്ണിയുടെ മുടി ഇഴകളിലൂടെ വിരലോടിച്ചു കൊണ്ട് പറഞ്ഞു
എന്തിനാ ഉണ്ണി വിഷമിക്കുന്നത്. എന്റെ കൂടി തെറ്റല്ലെ ഇന്നലെ അങ്ങിനെയൊക്കെ സംഭവിച്ചത്, ഇപ്പോള്‍ ഞാന്‍ ആഗ്രഹിച്ചുപോകുന്നു ഉണ്ണീ …. വിവാഹം, ഭര്‍ത്താവ്, മക്കള്‍ എല്ലാം എന്റെ നഷ്ട സ്വപ്നങ്ങളാണ്. മംഗല്യഭാഗ്യം എനിക്ക് ഇല്ലാ എന്ന് എനിക്കറിയാം. എന്നാലും ഞാന്‍ അതെല്ലാം ആഗ്രഹിച്ചുപോകുന്നു. ഇനി ഉണ്ണി എന്റെ എല്ലാമാണ് ഉണ്ണിയുടെ ഈ സ്‌നേഹം എനിക്ക് എന്റെ ജീവിതത്തില്‍ ഇനി ഒരിക്കലും മറക്കാന്‍ ആവുകയില്ല.
അപ്പോള്‍ മാളുവിന്റെ സ്വരം ഇടറുന്നുണ്ടായിരുന്നു. മാളു ഉണ്ണിയെ കെട്ടിപിടിച്ചു കരഞ്ഞു. ഉണ്ണിക്ക് മാളുവിനെ സാന്ത്വനിപ്പിക്കാന്‍ വാക്കുകള്‍ ഇല്ലായിരുന്നു.
നേരംപുലര്‍ന്നപ്പോള്‍ ഉണ്ണി വീട്ടിലേക്കു പോയി പ്രഭാതകൃത്ത്യങ്ങള്‍ നിര്‍വഹിച്ചു ആശുപത്രിയിലേക്ക് യാത്രയായി. അന്നു രാത്രിയും ഉണ്ണിയാണ് മാളുവിന് കൂട്ടു കിടക്കാന്‍ വന്നത്.ഊണ് കഴിഞ്ഞപ്പോള്‍ ഉണ്ണി മാളുവിനോട് പറഞ്ഞു
എനിക്ക് അച്ഛന്റെ മുറിയില്‍ പായ വിരിച്ചോളു,ഞാന്‍ അവിടെ കിടക്കാം.
അപ്പോള്‍ മാളു പറഞ്ഞു
ഉണ്ണിക്ക് എന്റെ മുറിയില്‍ പായ വിരിച്ചിട്ടുണ്ട് ഞാന്‍ ഇതാ വരുന്നു
മാളു തിടുക്കത്തില്‍ പാത്രങ്ങള്‍ കഴുകി വെച്ച് ഉണ്ണിയുടെ അരികിലേക്ക് ഒരു ഗ്ലാസ് പാലുമായി ചെന്നു. അന്നു രണ്ടു പേര്‍ക്കും കൂടി ഒരു പായയാണ് മാളു വിരിച്ചിരുന്നത്. പുതു മണവാട്ടിയുടെ ഭാവ മായിരുന്നു അപ്പോള്‍ മാളുവിന്റെ മുഖത്ത്. കയ്യിലെ പാല് മാളു ഉണ്ണിയുടെ നേര്‍ക്ക് നീട്ടിയപ്പോള്‍ ഉണ്ണി ഗ്ലാസിലെ പാല് പകുതി കുടിച്ച് മാളുവിനെ അരികിലിരുത്തി ഗ്ലാസിലെ അവശേഷിക്കുന്ന പാല് കുടിപ്പിച്ചു. ആഗ്രഹങ്ങളുടെ നവ്യാനുഭൂതിയിലേക്ക് രണ്ടു പേരും വഴുതി വീണു. അപ്പോള്‍ പുറത്ത് മഴ ആര്‍ത്തിരമ്പി പെയ്യുന്നുണ്ടായിരുന്നു.
രാവിലെ ഉണ്ണി പോകുവാന്‍ നേരം മാളു പറഞ്ഞു.
അച്ഛന്‍ ഇന്നു വൈകീട്ട് വരും. അച്ഛന്‍ ഉറങ്ങി കഴിഞ്ഞാല്‍ ഉണ്ണി വന്ന് പുറകു വശത്തെ കതകിനു മുട്ടിയാല്‍ മതി ഞാന്‍ കാത്തിരിക്കും.
പിന്നെ ഉണ്ണിക്കും മാളുവിനെ മറക്കുവാന്‍ കഴിയുമായിരുന്നില്ല. ഉണ്ണിയുടെ സാന്നിധ്യം ഇല്ലാതെ മാളുവിനും ഉറങ്ങുവാന്‍ കഴിയാതെയായി. ഏതാനും ദിനരാത്രങ്ങള്‍ മാത്രമെ ആ ബന്ധം തുടര്‍ന്നുപോയൊളളു അവസാനം മാളു ആ നടുക്കുന്ന സത്യം അറിഞ്ഞു. താന്‍ ഗര്‍ഭിണിയാണ് ഉണ്ണിയുടെ കുഞ്ഞ് തന്റെ ഉദരത്തില്‍ ഉടലെടുക്കുന്നു. അന്ന് ഉണ്ണി അവളുടെ അരികില്‍ വന്നപ്പോള്‍ ആ നടുക്കുന്ന സത്യം മാളു ഉണ്ണിയോട് പറഞ്ഞു. ആ വാര്‍ത്ത ഉണ്ണിയെ ഭയാകുലനാക്കി. വരാന്‍ പോകുന്ന ഭവിഷ്യത്തുകളെ കുറിച്ചായിരുന്നു ഉണ്ണിക്ക് ഭയം. പക്ഷെ മാളു ഭയന്നില്ലാ, മളുവിന്റെ മനസ്സുനിറയെ സന്തോഷമായിരുന്നു. തനിക്ക് വിവാഹത്തിലൂടെ ഒരു കുഞ്ഞിനു ജന്മം കൊടുക്കുവാന്‍ കഴിയില്ലാ എന്ന് മാളുവിന് അറിയാമായിരുന്നു. മാളു പറഞ്ഞു.
ഞാന്‍ ഉണ്ണിയുടെ കുഞ്ഞിന്റെ അമ്മയാകുവാന്‍ പോകുന്നുഉണ്ണി
ഉണ്ണിയുടെ മുഖത്ത് ഭയം നിഴലിക്കുന്നത് കണ്ടപ്പോള്‍ മാളു പറഞ്ഞു.
ഉണ്ണി പേടിക്കേണ്ട ഞാന്‍ ആരോടും കുഞ്ഞിന്റെ അച്ഛന്‍ ഉണ്ണിയാണെന്നു പറയില്ല. ഉണ്ണി എന്നെ മറക്കാതെ ഇരുന്നാല്‍ മാത്രം മതി
അന്നു ഉണ്ണി തിരികെ പോകുമ്പോള്‍ മനസ്സ് നിറയെ കുറ്റ ബോധ മായിരുന്നു .
അടുത്ത ദിവസ്സം രാഘവന്‍ ഉറങ്ങി എന്ന് ഉറപ്പു വരുത്തി പുറകുവശത്തെ കതകിനു മുട്ടുമ്പോള്‍ ഉണ്ണി ഒരു ഉറച്ച തീരുമാനം മനസ്സില്‍ എടുത്തിരുന്നു. പതിവ് പോലെ മാളു കതകു തുറന്നു. ഉണ്ണി അകത്ത് കയറിയ പാടെ മാളു ഉണ്ണിയെ കെട്ടി പിടിച്ചു. മാളുവിന്റെ സന്തോഷം കണ്ടപ്പോള്‍ മനസ്സില്‍ കരുതിയ കാര്യം എങ്ങിനെ മാളുവിനോട് അവതരിപ്പിക്കും എന്നറിയാതെ അയാള്‍ വിഷമിച്ചു. തിരികെ പോരാന്‍ നേരം രണ്ടും കല്‍പിച്ചു ഉണ്ണി മാളുവിനെ മാറോട് ചേര്‍ത്തു പിടിച്ച് നെറുകയില്‍ ചുംബനം നല്‍കി കൊണ്ട് പറഞ്ഞു.
മാളു ഞാന്‍ ഒരു കാര്യം പറയട്ടെ?

പറയു ഉണ്ണി..

നമുക്ക് ഇപ്പോള്‍ ഈ കുഞ്ഞ് വേണ്ട മാളു. എനിക്ക് ഒരു സ്ഥിരമായ തൊഴില്‍ ലഭിച്ചതിനുശേഷം നമ്മുക്ക് വിവാഹിതരാവാം. ഞാന്‍ ചോദിക്കും മാളുവിന്റെ അച്ഛനോട്, എനിക്ക് മാളുവിനെ വിവാഹം ചെയ്തു തരുമോ എന്ന് അനിയത്തിയുടെ വിവാഹം കഴിയാതെ എനിക്ക് എന്റെ വിവാഹത്തെ കുറിച്ച് ഇപ്പോള്‍ വീട്ടില്‍ സംസാരിക്കുവാന്‍ കഴിയില്ല. അച്ഛന്‍ ഉത്സവത്തിന് പോയാല്‍ നമുക്ക് ഏതെങ്കിലുമൊരു ആശുപത്രിയില്‍ പോയി..
ഉണ്ണിയുടെ വാക്കുകള്‍ മുഴുവനാക്കുന്നതിനു മുന്‍പ് മാളു പരിസരം മറന്ന് കരഞ്ഞു കൊണ്ടു പറഞ്ഞു.
ഇല്ല എന്നെ വിവാഹം ചെയ്യാന്‍ ഞാന്‍ സമ്മതിക്കില്ല എന്റെ ജാതകത്തില്‍ ഭര്‍ത്താവിന് അകാല മരണം ഉറപ്പാണ് എന്നാ എഴുതിയിരിക്കുന്നത് ഞാന്‍ എന്റെ ഉണ്ണിയെ കൊലയ്ക്ക് കൊടുക്കില്ല. ഞാന്‍ പറഞ്ഞില്ലെ എന്റെ ഉദരത്തില്‍ വളരുന്ന കുഞ്ഞിന്റെ അച്ഛന്‍ ഉണ്ണിയാണെന്ന് ഞാന്‍ ആരോടും പറയില്ലാ എന്ന്, എനിയ്ക്ക് വേണം ഈ കുഞ്ഞിനെ.
മാളുവിന്റെ ഉറക്കെയുള്ള സംസാരം കേട്ടു കൊണ്ടാണ് പുറത്തെ മുറിയില്‍ ഉറങ്ങിയിരുന്ന രാഘവന്‍ ഉറക്കമുണര്‍ന്നത്. അയാള്‍ പൂമുഖ വാതിലിനരികില്‍ അകത്തെ സംസാരം കേട്ട് ഒരു നിമിഷം സ്തംഭിച്ചു നിന്നു. പിന്നെ രാഘവന്‍ അലറുകയായിരുന്നു.
മാളു കതകു തുറക്കു
മാളു നിശ്ചലയായി നിന്നു. ഉണ്ണിയുടെ മനസ്സില്‍ കൊള്ളിയാന്‍ മിന്നി. വീണ്ടും രാഘവന്റെ ശബ്ദം,
മാളു കതക് തുറക്കാനാ പറഞ്ഞത് അല്ലെങ്കില്‍ ഞാന്‍ കതക് ചവിട്ടി പൊളിക്കും
മാളു വിറയ്ക്കുന്ന കരങ്ങളോടെ കതക് തുറന്നു. രാഘവന്‍ അകത്ത് കടന്ന പാടെ ഉണ്ണിയുടെ കഴുത്തിനു കുത്തിപിടിച്ച് അലറി.
എടാ ദ്രോഹി നീ എന്റെ മകളെ നശിപ്പിച്ചുവല്ലേ. ഞാന്‍ നിന്നെ എന്റെ സ്വന്തം മകനെ പോലെയല്ലേ കരുതിയിരുന്നത്?
ഉണ്ണി ഒന്നും ശബ്ദിച്ചില്ല. ഉണ്ണിക്ക് പറയുവാന്‍ വാക്കുകള്‍ ഇല്ലായിരുന്നു. ചെയ്തു പോയ വലിയ തെറ്റിന്റെ കാഠിന്ന്യം ഓര്‍ത്ത് ഉണ്ണിയുടെ മനസ്സിലെ കുറ്റബോധം അധികരിച്ചുകൊണ്ടേ ഇരുന്നു, രാഘവന്‍ അപ്പോഴും അലറുകയായിരുന്നു.
നിന്നെഞാന്‍ കൊല്ലുമെടാ ദ്രോഹി..
മാളു കരഞ്ഞു കൊണ്ട് ഉണ്ണിയുടെ കഴുത്തില്‍ നിന്നും രാഘവന്റെ കരങ്ങള്‍ വിടുവിപ്പിച്ചു കൊണ്ട് പറഞ്ഞു,
ഉണ്ണി ഒരു തെറ്റും ചെയ്തിട്ടില്ലാ എല്ലാം എന്റെ തെറ്റാണ്. ഉണ്ണി പൊയ്‌ക്കോളു
എന്തു ചെയ്യണം എന്നറിയാതെ നിന്ന ഉണ്ണിയോട് മാളു വീണ്ടും പറഞ്ഞു
ഉണ്ണിയോട് പോകുവാന പറഞ്ഞെ..
ബഹളം കേട്ട് അയല്‍പക്കക്കാര്‍ ഓടി കൂടുന്നുണ്ടായിരുന്നു. ഉണ്ണി മുറിയില്‍ നിന്നും കുറ്റ ബോധത്തോടെ അലക്ഷ്യമായി ഇറങ്ങി നടന്നു. അപ്പോള്‍ ഓടി കൂടിയവരില്‍ ആരോക്കയോ പറയുന്നുണ്ടായിരുന്നു.
ഇത്ര ചെറുപ്പത്തിലെ ചെറുക്കന്‍ പണി പറ്റിച്ചു കളഞ്ഞല്ലോ..
പിന്നീട് ആ ഗ്രാമത്തില്‍ ആരും ഉണ്ണിയെ കണ്ടില്ല. രാഘവന്‍ എല്ലാം വിധിയാണെന്നു കരുതി സമാധാനിച്ചു. മാളു ഒന്ന് ഉറച്ചു തീരുമാനിച്ചിരുന്നു. തന്റെ കുഞ്ഞിനെ പ്രസവിക്കണം, എന്ത് ത്യാഗം സഹിച്ചും തന്റെ കുഞ്ഞിനെ വളര്‍ത്തണം. ഉണ്ണിയുടെ തിരോധാനം മാളുവിനെ വല്ലാതെ ഉലച്ചിരുന്നു. ഉണ്ണി എവിടെയാണെന്ന് മാത്രം അറിഞ്ഞാല്‍ മതിയായിരുന്നു മാളുവിന്. താന്‍ കാരണം ഉണ്ണിക്ക് കൂടപിറപ്പുകളെ വിട്ടു പിരിഞ്ഞു വിദൂരതയിലേക്ക് മറയേണ്ടി വന്നിരിക്കുന്നു. സമൂഹത്തിനു മുന്‍പില്‍ അപമാനിതനായി നാടു വിട്ടതില്‍ ഉണ്ണിയോട് മാളുവിന് സഹതാപം മാത്രമേയുള്ളൂ എവിടെ ആണെങ്കിലും ആപത്തൊന്നും വരുത്താതെ ഉണ്ണിയെ കാത്തു കൊള്ളേണമേ എന്ന പ്രാര്‍ത്ഥന എപ്പോഴും മാളുവിന്റെ മനസ്സില്‍ ഉരുവിട്ടുകൊണ്ടിരുന്നു.
ദിവസങ്ങളും മാസങ്ങളും കൊഴിഞ്ഞു പോയി, മാളു അധികമൊന്നും ആളുകളുടെ മുന്‍പില്‍ പെടാതെ വീട്ടില്‍ തന്നെ ഒതുങ്ങികൂടി. രാഘവന്‍ നീറുന്ന മനസ്സുമായി ഉത്സവങ്ങള്‍ക്ക് പോകാതെ വീട്ടില്‍ തന്നെ കഴിഞ്ഞു കൂടി. നിത്യ വൃത്തിക്കായി ഗ്രാമത്തില്‍ ആരെങ്കിലും നാടന്‍ പണിക്ക് വിളിച്ചാല്‍ മാത്രം അയാള്‍ പോകും, മാളുവിനെ പിന്നീട് അയാള്‍ കുറ്റ പെടുത്തിയില്ല. തന്റെ മകളുടെ ജാതക കുറിപ്പിനെ അയാള്‍ ശപിച്ചു.
ഏതാനും മാസങ്ങള്‍ക്ക് ശേഷം മാളു ആട്ടിന്‍ കുട്ടിയുമായി പാടത്തേക്ക് പോകുമ്പോഴാണ്. പോസ്റ്റ് മാന്റെ വിളി കേട്ടത്.
കുട്ടിയല്ലേ മാളു? കുട്ടിക്ക് ഒരു മണിയോര്‍ഡറും എഴുത്തും ഉണ്ട് .
മാളുവിന് അത്ഭുതമായിരുന്നു, തനിക്ക് ആരാണ് എഴുത്തും മണിയോര്‍ഡറും അയക്കാന്‍? വിറയാര്‍ന്ന കൈകളോടെ എഴുത്തും മണിയോര്‍ഡറും മാളു കൈപ്പറ്റി.മാളുവിന് തിടുക്കമായിരുന്നു എഴുത്ത് വായിക്കുവാന്‍. ആകാംക്ഷയോടെ മാളു എഴുത്ത് തുറന്നു നോക്കി.
പ്രിയപ്പെട്ട എന്റെ മാളുവിന് ഉണ്ണി എഴുതുന്നത്. മാളുവിന് സുഖമാണെന്നു വിശ്വസിക്കുന്നു. നാടു വിട്ടു പോന്നതില്‍ ഞാന്‍ ക്ഷമ ചോദിക്കുന്നു. ഒരു നല്ല തൊഴിലിനായുള്ള അലച്ചിലായിരുന്നുഇതുവരെ. കഴിഞ്ഞ മാസം എനിക്ക് തരക്കേടില്ലാത്ത ഒരു തൊഴില്‍ കിട്ടി. ആദ്യത്തെ ശമ്പളം കിട്ടിയ അന്നു തന്നെ എനിയ്ക്ക് അത്യാവശ്യം ചിലവുകള്‍ക്കായി കുറച്ചു രൂപ വെച്ച് ബാക്കി മാളുവിന് അയക്കുന്നു ഇനി അങ്ങോട്ട് ചിലവുകള്‍ കൂടുകയല്ലേ. മാസാമാസം ആശുപത്രിയില്‍ പോയി ചെക്കപ്പ് ചെയ്യണം. ഞാന്‍ ഈ എഴുത്ത് എഴുതുന്നത്. ന്യൂ ഡല്‍ഹിയില്‍ നിന്നുമാണ്. നമ്മളെ പിടിക്കപെട്ട അന്ന് എന്തു ചെയ്യണം എന്ന് എനിയ്ക്ക് അറിയില്ലായിരുന്നു. ഓടികൂടിയവരുടെ പരിഹാസവാക്കുകള്‍ എന്നെ തളര്‍ത്തി കളഞ്ഞു ആത്മഹത്യ ചെയ്താലോ എന്നു പോലും എനിയ്ക്ക് തോന്നി പോയി. ഞാന്‍ ആത്മഹത്യ ചെയ്താല്‍ എന്റെ മാളുവിനും നമുക്ക് പിറക്കാന്‍ പോകുന്ന കുഞ്ഞിനും പിന്നെ ആരാണ് ഉള്ളത് എന്ന് ഓര്‍ത്തപ്പോള്‍ ആ ചിന്ത ഉപേക്ഷിച്ചു. സ്‌നേഹം എന്തെന്ന് അറിയാന്‍ തുടങ്ങിയത് മുതല്‍ മാളുവിനോടുള്ള എന്റെ ഇഷ്ടം ഞാന്‍ മനസ്സില്‍ സുക്ഷിച്ചിരുന്നു. ജാതക ദോഷത്തിന്റെ പേരില്‍ മാളുവിന്റെ വിവാഹം മുടങ്ങുമ്പോള്‍ എന്റെ മനസ്സില്‍ ആശ്വാസമായിരുന്നു. മാളുവിനെ ഞാന്‍ വിവാഹംചെയ്താല്‍ എന്റെ മരണം സംഭവിക്കുകയാണെങ്കില്‍, ആ മരണത്തെ ഞാന്‍ സന്തോഷത്തോടെ സ്വീകരിക്കും. അന്ധവിശ്വാസങ്ങളോട് ഞാന്‍ യോജിക്കുന്നില്ല. ഞാന്‍ വരും എന്റെ മാളുവിന്റെ കഴുത്തില്‍ മിന്നു കെട്ടാന്‍ നമ്മള്‍ ജീവിക്കും സന്തോഷത്തോടെ തന്നെ. അച്ഛനോട് പറയണം എന്നെ ശപിക്കരുത് എന്ന് എഴുത്ത് കിട്ടിയാല്‍ ഉടനെ തന്നെ താഴെയുള്ള അഡ്രസ്സില്‍ മറുപടി അയക്കണം സ്‌നേഹാശംസകളോടെ മാളുവിന്റെ സ്വന്തം. ഉണ്ണി
ആട്ടിന്‍കുട്ടിയെ കൂട്ടില്‍ കെട്ടി പുറകു വശത്തെ വാതിലിലൂടെ അകത്ത് കയറി പൂമുഖത്ത് മാളു എത്തിയപ്പോള്‍ രാഘവന്‍ പൂമുഖത്ത് ഇരിപ്പുണ്ടായിരുന്നു. മാളു എഴുത്തും രൂപയും രാഘവന്റെ നേര്‍ക്കു നീട്ടി ”എന്താ ഇത് ” എന്ന് ചോദിച്ച് രൂപയും എഴുത്തും അയാള്‍ വാങ്ങി. എഴുത്ത് വായിച്ച രാഘവന്റെ മുഖത്ത് പ്രതീക്ഷകളുടെ നിഴലാട്ടം മാളു കണ്ടു.
പക്ഷെ മാളുവിന്റെ മനസ്സില്‍ ജാതക കുറിപ്പിലെ വാക്കുകള്‍. ഒരു മിന്നല്‍ പോലെ കടന്നു വന്നു. വിവാഹിതയയാല്‍ ഭര്‍ത്താവിന് അകാല മരണം ഉറപ്പ്. അന്ന് ഉറങ്ങാന്‍ കിടന്നപ്പോള്‍ മാളുവിന് ഉറങ്ങുവാന്‍ കഴിഞ്ഞില്ല. വിശ്വാസങ്ങള്‍ക്ക് അധീധമായി ഒരു തീരുമാനത്തില്‍ എത്താന്‍ മനസ്സിനെ പാകപെടുത്തി എടുക്കുവാന്‍ ആ നാട്ടിന്‍പുറത്തുകാരിക്ക് കഴിയുന്നില്ലായിരുന്നു. ജാതകദോഷത്തിന്റെ പ്രതിവിധികള്‍ക്കായി അവളുടെ മനം കൊതിച്ചു. സന്ധ്യയുടെ ഏതോ യാമത്തില്‍ ഉത്തരം ലഭിക്കാത്ത ചോദ്യവുമായി അവള്‍ ഉറക്കത്തിലേക്ക് വഴുതി വീണു. അപ്പോള്‍ അവളുടെ വലതു കൈ ഉദരത്തിലായിരുന്നു ഉദരത്തില്‍ പിറവി കൊള്ളുന്ന കുഞ്ഞ് അപ്പോള്‍ അമ്മയുടെ കൈ എത്തി പിടിക്കുവാന്‍ ശ്രമിക്കുന്നുണ്ടാവാം.
അപ്പോള്‍ പുറത്ത് പാടശേഖരങ്ങള്‍ നിലാവിന്റെ വെളിച്ചത്തില്‍ ഹരിത വര്‍ണ്ണ ങ്ങളാല്‍ ചേതോഹരമായിരുന്നു …. ശുഭം

rasheedthozhiyoor@gmail.com 

27 comments:

  1. ശുഭപര്യവസായിയായ ഒരു നല്ല കഥ വായിച്ചു. ഇഷ്ടമായി

    ReplyDelete
  2. നന്ദി ശ്രീ .അജിത്‌ എന്‍റെ രചന വായിച്ച് അഭിപ്രായം എഴുതിയതിന് എന്‍റെ ഈ രചന വായിച്ച് ആദ്യത്തെ അഭിപ്രായം താങ്കളുടെതാണ് .സന്തോഷം നല്‍കുന്ന പ്രോത്സാഹനങ്ങള്‍ക്ക് .

    ReplyDelete
  3. ...വളരെ നല്ല ഒരു കൊച്ചുകഥ, നല്ല ആശയം കൊടുത്ത് അവതരിപ്പിച്ചു. പല വാക്കുകളും വാചകങ്ങളും ആവർത്തിച്ചതിനാൽ, മുപ്പത് ശതമാനത്തോളം നീണ്ടുപോയി. ഭർത്താവ് വിവാഹശേഷം മരിക്കുമെന്ന് ജാതകത്തിലുള്ളതിനാൽ, കല്യാണംകഴിക്കേണ്ടെന്ന് ‘ഉണ്ണി’യോട് പറയുമ്പോഴും, കുഞ്ഞിന്റെ അഛനാരെന്ന് പറയില്ലെന്ന് സത്യം ചെയ്യുമ്പോഴും ‘മാളു’വിന്റെ പരിശുദ്ധസ്നേഹം പ്രകടമാകുന്നുണ്ട്. ചെയ്തുപോയ തെറ്റിന്റെ പ്രായശ്ചിത്തമായി, ജോലി കണ്ടുപിടിച്ച് ആദ്യതുക അയച്ച് സംതൃപ്തമായ പര്യവസാനം കാണിച്ചതിൽ സന്ദേശവുമുണ്ട്. കൊള്ളാം, നല്ല കഥ. അനുമോദനമർഹിക്കുന്നു. ഭാവുകങ്ങൾ....

    ReplyDelete
  4. അഭിപ്രായം പറയണം എന്ന് പറഞ്ഞത് കൊണ്ട് മാത്രം പറയുന്നു ,കഥ ക്ക് പുതുമ ഒന്നും പറയാനില്ല എങ്കിലും നന്നായി അവതരിപ്പിച്ചിരിക്കുന്നു കുറച്ചു നീണ്ടു പോയി എന്നാലും മടുപ്പില്ലാതെ വായിച്ചു സ്വന്തം അനുഭവത്തില്‍ നിന്നും എഴുതുന്ന താകുമ്പോള്‍ അവതരണ ഭംഗി കുറച്ചു കുറഞ്ഞാലും കുഴപ്പം ഇല്ല.എ ഴുതുക എന്നത് ഒരു കഴിവ് തന്നെ യാണ് അതു തുടര്‍ന്നു കൊണ്ടിരിക്കുക .ആശംസകള്‍ .

    ReplyDelete
  5. നന്ദി ശ്രീ .വി.എ.എന്‍റെ രചന വായിക്കുകയും നല്ല അഭിപ്രായം എഴുതുകയും ചെയ്തതിന്.എഴുത്തിനെ കുറിച്ച് അറിയാവുന്നവരുടെ വാക്കുകള്‍ തുടര്‍ന്നുള്ള എഴുത്തിന് അത് വളരെയധികം ഉപകാരപ്രദമാകും .

    ReplyDelete
  6. നന്ദി musrieskeralam ത്തിന്‍റെ വാക്താവിന്,എന്‍റെ രചന വായിക്കുകയും അഭിപ്രായം എഴുതുകയും ചെയ്തതിന്.ചൊവ്വാദോഷം മൂലം വിവാഹം കഴിയാതെ എത്രയോ സഹോദരികള്‍.എനിക്കറിയാവുന്ന ഒരു സഹോദരിയാണ് ഈ കഥയുടെ പ്രചോദനം.എന്‍റെ മറ്റു രചനകളും വായിച്ച് അഭിപ്രായം എഴുതുമല്ലോ ........

    ReplyDelete
  7. വെള്ളരി പ്രാവിന് നന്ദി .എന്‍റെ രചന വായിക്കുകയും അഭിപ്രായം എഴുതുകയും ചെയ്തതിന്.

    ReplyDelete
  8. ഇച്ചിരി വലിച്ചു നീട്ടലുകള്‍ ഉണ്ടായിരുന്നു. ഒന്നു രണ്ടിടത്ത് പഴയ ഒരു കഥ പറച്ചിലിന്റെ രീതി...
    അത്തരം ചില പോരായ്മകള്‍ മാറ്റി നിറുത്തിയാല്‍ കുഴപ്പമില്ല..
    റഷീദ് ഭായിയില്‍ നിന്നും ഇതിനേക്കാള്‍ മികച്ചത് വന്നിട്ടുള്ളത് കൊണ്ട്, ഇനിയും മികച്ചത് മാത്രം പ്രതീക്ഷിക്കുന്നു...

    ReplyDelete
  9. അനുവാചകരില്‍ ആശയത്തിന്‍റെ സത്ത മാത്രം എത്തിക്കുന്ന രീതിയിലേക്ക് കഥ പറയാന്‍ ശ്രമിച്ചുനോക്കൂ , നീളം പകുതി കണ്ടു കുറയും.ഇതൊരു വായനക്കാരന്‍ എന്ന നിലക്ക് മാത്രമുള്ള അഭിപ്രായമാണ്, വായനയുടെ ഉള്‍ക്കണ്ണ്‍ ഈ കഥയിലേക്ക് തുറക്കേണ്ടി വരുന്നില്ല, കാരണം വായനക്കാരന് പൂര്‍ണ്ണമാക്കാനുള്ള ഒന്നും റഷീദ്‌ ഇവിടെ ബാക്കി വെച്ചില്ല എന്നത് തന്നെ. ആശംസകള്‍

    ReplyDelete
  10. ഈ കഥ മുന്‍പ് എഴുതി വെച്ചതായിരുന്നു .ഒന്ന് മിനുക്കി പ്രസിദ്ധീകരിച്ചു എന്നേയുള്ളൂ .ഏതാണ്ട് പതിനഞ്ചു വര്‍ഷങ്ങള്‍ക്കു മുന്‍പ് എഴുതിയതാണ് .പ്രസിദ്ധീകരിക്കുമ്പോള്‍ വായനക്കാര്‍ ഈ കഥ എങ്ങിനെ എടുക്കും എന്ന ഒരു അങ്കലാപ്പ് എനിക്ക് ഇല്ലാതില്ലായിരുന്നു .ചൊവ്വദോഷം മൂലം വിവാഹം കഴിയാതെ നിന്നിരുന്ന എന്‍റെ ഗ്രാമത്തിലെ ഒരു പാവം പെണ്‍കുട്ടിയാണ് ഈ കഥ രചിക്കുവാനുള്ള എന്‍റെ പ്രചോദനം.നന്ദി ശംനാസ്‌ തിരക്കിനിടയില്‍ എന്‍റെ രചന വായിച്ച് അഭിപ്രായം എഴുതിയതിന്.നന്നായിട്ടുണ്ട് എന്ന വാക്കിന് ഒരു പ്രസക്തിയും ഇല്ല സത്യം സത്യമായി പറയുന്നതിനാണ് പ്രസക്തി .സത്യം പറഞ്ഞാല്‍ അന്ന് ഞാന്‍ ഈ കഥ രചിച്ചത് മനോരമ വീക്കിലിയിലേക്ക് അയച്ചു കൊടുക്കുവാനയിരുന്നു .ഒരു കഥ ഇങ്ങിനേയും കിടക്കട്ടെ അല്ലെ ശംനാസ്‌ .

    ReplyDelete
  11. ഈ കഥയുടെ അവസാനം കഥാപാത്രമായ മാളവിക ഒരു ഉറച്ച തീരുമാനത്തില്‍ എത്തുന്നില്ല .കാരണം വിവാഹിതയായാല്‍ ഭര്‍ത്താവിന് അകാല മരണം ഉറപ്പ് എന്ന് ജാതക കുറിപ്പില്‍ പറയുന്നുണ്ടല്ലോ താങ്കളുടെ അഭിപ്രായം ഞാന്‍ മാനിക്കുന്നു എന്‍റെ രചനയിലെ പോരായ്മകള്‍ താങ്കളെപ്പോലെയുള്ളവരില്‍ നിന്നും കേള്‍ക്കുമ്പോള്‍ തുടര്‍ന്നുള്ള എന്‍റെ എഴുത്തിന് അത് വളരെയധികം ഉപകാരപ്രദമാകും കാരണം ഞാന്‍ എഴുത്തില്‍ ഒരു തുടക്കക്കാരന്‍ മാത്രമാണ് .നന്ദി ശ്രീ.സിദ്ധീക്ക. കഥ വായിക്കുകയും അഭിപ്രായം അറിയികുകയും ചെയ്തതിന്.

    ReplyDelete
  12. ഒരു നാട്ടിൻപുറത്തെ നന്മകളുടേയും പച്ചപ്പിന്റെയും പശ്ചാത്തലത്തിൽ ശുഭപര്യവസായിയായ ഒരു ചെറുകഥ. അല്പം നീളമുള്ള പോസ്റ്റായിരുന്നെങ്കിലും നന്നായി ആസ്വദിക്കാൻ കഴിഞ്ഞു.

    ReplyDelete
  13. നന്ദി ശ്രീ പ്രിന്‍സ്‌ കൊച്ചനിയന്‍ .നല്ല വാക്കുകള്‍ക്ക് ഒരു രചന നിര്‍വഹിച്ചാല്‍ അത് മനുഷ്യ നന്മക്കായിരിക്കണം എന്ന് ഞാന്‍ അധിയായി ആഗ്രഹിക്കുന്നു .വായനക്കാര്‍ക്ക് തെറ്റും ശെരിയും തിരിച്ചറിയുവാന്‍ കഴിഞ്ഞാല്‍ അത് എനിക്ക് ആത്മ സംതൃപ്തി നല്‍കും .

    ReplyDelete
  14. പഴയ ശൈലിയിൽ നല്ല ഒഴുക്കോടെ വായിക്കാൻ പറ്റിയ കഥ.
    ആദ്യം തോന്നിയത് ഉണ്ണി ആളു ശരിയല്ലെന്നാണ്. അവസാനം എത്തിയപ്പോൾ മനസ്സിലായി അവനെ വിശ്വസിക്കാൻ കൊള്ളാമെന്ന്. ഇനി മാളുവിന്റെ വിശ്വാസം പോലെ വിവാഹം കഴിക്കാതെയും ഒരുമിച്ച് ജീവിക്കാൻ കഴിയും.
    ‘വിശ്വാസം അതാണല്ലൊ എല്ലാം..!!‘
    ആശംസകൾ...

    ReplyDelete
  15. നന്ദി ശ്രീ വി.കെ .നല്ല വാക്കുകള്‍ എഴുതിയതിന് .ജാതക ദോഷത്തിന് പരിഹാര ക്രിയകള്‍ ഉണ്ടല്ലോ അങ്ങിനേയും വായനക്കാര്‍ക്ക് ചിന്തിക്കാമല്ലോ .വിശ്വാസങ്ങള്‍ മനുഷ്യ നന്മയ്ക്കായി എഴുതപെട്ടിട്ടുള്ളതാണ്.ജാതക ദോഷം മൂലം വിവാഹം കഴിയാതെ നില്‍ക്കുന്ന അനേകം സഹോദരി മാരെ കണ്ടിട്ടുണ്ട് .അതാണ്‌ ഈ കഥ എഴുതുവാന്‍ എനിയ്ക്ക് ഉണ്ടായ പ്രചോദനം

    ReplyDelete
  16. മുകളില്‍ സിദ്ദിക്ക പറഞ്ഞ പോലെ ഒന്നൂടെ ചുരുക്കി എഴുതാന്‍ ശ്രമിച്ചാല്‍ കൂടുതല്‍ ആസ്വാദ്യമാകുംട്ടോ... പലതും തുറന്നു പറയാതെ ധ്വനിപ്പിക്കുന്ന രീതിയില്‍...
    ഭാവുകങ്ങള്‍ നേരുന്നു.. നല്ല എഴുത്തിനായ്

    ReplyDelete
  17. നന്ദി ശ്രീമതി ഷീലടോമി നല്ല വാക്കുകള്‍ക്ക്,അടുത്ത രചനയില്‍ ഞാന്‍ ശ്രദ്ധിച്ചോളാം നിങ്ങളെ പോലെയുള്ളവര്‍ എന്‍റെ രചനയെക്കുറിച്ച് രണ്ടു വാക്ക് പറഞ്ഞാല്‍ അത് മനസിന്‌ നല്ല സന്തോഷം നല്‍കും .വീണ്ടു എഴുതുവാനുള്ള പ്രേരണയും

    ReplyDelete
  18. പ്രിയ സുഹൃത്തേ,

    ഞാനും താങ്കളെപ്പോലെ വളര്‍ന്നു വരുന്ന ഒരു എളിയ എഴുത്തുകാരനാണ്‌. മുപ്പതോളം ചെറുകഥകള്‍ എഴുതിയിട്ടുണ്ട്. ഒരു പുതിയ സംരംഭത്തിന് നാന്ദി കുറിക്കുവാന്‍ എനിക്ക് താങ്കളുടെ സഹായം ആവശ്യപ്പെടാനാണ് ഈ കുറിപ്പെഴുതുന്നത്.

    ഞാന്‍ ഈയിടെ ഒരു നോവല്‍ എഴുതി പൂര്‍ത്തിയാക്കി അതുമായി ഒരു പ്രമുഖ വാരികയുടെ പത്രാധിപരെ കാണുവാന്‍ പോയി. പക്ഷെ അദ്ദേഹം അത് വായിച്ച് നോക്കുന്നത് പോയിട്ട് ഒന്ന് വാങ്ങി നോക്കുവാന്‍ പോലും തയ്യാറായില്ല. പുതിയ എഴുത്തുകാരുടെ സൃഷ്ടികള്‍ ആവശ്യമില്ലെന്നാണ് അദ്ദേഹം എന്നോട് പറഞ്ഞത്. ഒന്ന് വായിച്ച് നോക്കിയിട്ട് തിരികെ തന്നോളൂ എന്ന് പറഞ്ഞപ്പോള്‍ വായിച്ച് നോക്കേണ്ട കാര്യമൊന്നുമില്ലെന്നും പുതിയ എഴുത്തുകാര്‍ എഴുതുന്നതൊന്നും ഇനി അത് എത്ര നല്ലതാണെങ്കിലും വായനക്കാര്‍ക്ക് വേണ്ടെന്നുമാണ് അദ്ദേഹം പറഞ്ഞത്. പുതിയ ആളുകളുടെയൊക്കെ കഥകള്‍ ആര്‍ക്കു വേണം? എന്നാണ് അദ്ദേഹം ചോദിച്ചത്.

    വലിയ എഴുത്തുകാര്‍ കുത്തിക്കുറിച്ചു വിടുന്ന ഏത് ചവറുകളും അവരുടെ വീട്ടുപടിക്കല്‍ കാത്തു കെട്ടിക്കിടന്ന് വാങ്ങിക്കൊണ്ടുപോയി പ്രസിദ്ധീകരിക്കുന്ന ഈ പത്രാധിപന്മാര്‍ നമ്മെപ്പോലുള്ള പുതിയ എഴുത്തുകാര്‍ എത്ര നല്ല സൃഷ്ടികള്‍ എഴുതി അയച്ചാലും ഒന്ന് വായിച്ച് നോക്കുക പോലും ചെയ്യാതെ ചവറ്റു കൊട്ടയിലേക്ക് വലിച്ചെറിയുകയാണ്‌ പതിവ്.

    ഈ സ്ഥിതിക്ക് ഒരു മാറ്റം വരേണ്ടത് അത്യാവശ്യമല്ലേ? ഇവിടെ ഒരു എം.ടിയും മുകുന്ദനും പുനത്തിലും മാത്രം മതിയോ? അവരുടെ കാലശേഷവും ഇവിടെ സാഹിത്യവും വായനയും നില നില്‍ക്കേണ്ടേ?

    മേല്‍ പറഞ്ഞ പത്രാധിപരുടെ മുന്നില്‍ നിന്ന് ഇറങ്ങിവന്ന ശേഷം ഞാനൊരു കാര്യം മനസ്സിലുറപ്പിച്ചിരിക്കുകയാണ്. ഇനി ഒരു കാരണവശാലും ഞാന്‍ ആ നോവലും കൊണ്ട് മറ്റൊരു പത്രാധിപരെ കാണാന്‍ പോകില്ല . ഇന്ന് മുതല്‍ ഞാനതെന്‍റെ ബ്ലോഗില്‍ പോസ്റ്റ്‌ ചെയ്യാന്‍ പോകുകയാണ്. 'മുഖം' എന്ന് പേരിട്ടിരിക്കുന്ന ഈ നോവല്‍ ആദ്യന്തം ഉദ്വേഗഭരിതമായ, സസ്പെന്‍സ് നിറഞ്ഞ ഒരു കുറ്റാന്വേഷണ കഥയാണ്.വായനക്കാര്‍ക്ക് മടുപ്പ് തോന്നാതിരിക്കാന്‍ ഓരോ വരിയിലും, ഓരോ സംഭാഷണത്തിലും ഞാന്‍ വളരെയധികം ശ്രദ്ധ കൊടുത്തിട്ടുണ്ട്‌.

    ഇന്ന് മുതല്‍ ഞാന്‍ ഇതിന്‍റെ ഓരോ അദ്ധ്യായങ്ങളായി പോസ്റ്റ്‌ ചെയ്യാന്‍ തുടങ്ങുകയാണ്. താങ്കള്‍ ഇത് മുടങ്ങാതെ വായിച്ച് താങ്കളുടെ മൂല്യവത്തായ അഭിപ്രായ നിര്‍ദേശങ്ങള്‍ നല്‍കി എന്നിലെ എളിയ കലാകാരനെ പ്രോത്സാഹിപ്പിക്കണമെന്ന് വിനയപൂര്‍വ്വം അപേക്ഷിക്കുന്നു. താങ്കള്‍ പറയുന്ന നല്ല അഭിപ്രായങ്ങളെ സ്വീകരിക്കുന്ന അതേ ഹൃദയവിശാലതയോടെ താങ്കളുടെ വിമര്‍ശനങ്ങളെയും ഞാന്‍ സ്വീകരിക്കുമെന്നും തെറ്റുകള്‍ ചൂണ്ടിക്കാണിച്ചാല്‍ അവ യഥാസമയം തിരുത്തി മുന്നോട്ട് പോകുമെന്നും ഞാന്‍ ഇതിനാല്‍ ഉറപ്പു നല്‍കുന്നു. നോവല്‍ നല്ലതല്ല എന്ന് വായനക്കാര്‍ക്ക് തോന്നുന്ന പക്ഷം അത് എന്നെ അറിയിച്ചാല്‍ അന്ന് തൊട്ട് ഈ നോവല്‍ പോസ്റ്റ്‌ ചെയ്യുന്നത് ഞാന്‍ നിര്‍ത്തിവെക്കുന്നതാണെന്നും നിങ്ങളെ അറിയിക്കുന്നു. ഇതിന്‍റെ ലിങ്ക് താങ്കളുടെ സുഹൃത്തുക്കള്‍ക്കും അയച്ചു കൊടുക്കണമെന്നും അപേക്ഷിക്കുന്നു.

    എനിക്ക് എന്‍റെ നോവല്‍ നല്ലതാണെന്ന് വിശ്വാസമുണ്ട്‌. അത് മറ്റുള്ളവര്‍ക്കും കൂടി കാണിച്ചു കൊടുക്കുന്നതിനു വേണ്ടിയാണ് ഞാന്‍ ഇങ്ങനെ ഒരു തീരുമാനവുമായി ഇറങ്ങിയത്‌. പുതിയ എഴുത്തുകാരുടെ രചനകളെല്ലാം മോശമാണെന്ന ധാരണ തിരുത്തിക്കുറിക്കുവാനുള്ള ഒരു എളിയ ശ്രമം കൂടിയാണിത് . ഇതിലേക്ക് താങ്കളുടെ നിസ്വാര്‍ത്ഥമായ സഹായ സഹകരണങ്ങള്‍ പ്രതീക്ഷിച്ചു കൊള്ളുന്നു.

    എന്ന്,
    വിനീതന്‍
    കെ. പി നജീമുദ്ദീന്‍

    ReplyDelete
  19. ശ്രീ .കെ. പി നജീമുദ്ദീന്‍ താങ്കള്‍ക്ക് പറ്റിയ തെറ്റ് പ്രമുഖ വാരികയുടെ പത്രാധിപരെ കാണുവാന്‍ പോയി എന്നതാണ് ആദ്യമായി ഒരു മിനിക്കഥ പ്രസിദ്ധീകരിക്കട്ടെ.എഴുതുവാനുള്ള കഴിവ് താങ്കള്‍ക്ക് ഉണ്ടെങ്കില്‍ ഒരിക്കലും താങ്കള്‍ക്ക് നിരാശപെടെണ്ടി വരില്ല ഇന്നത്തെ വലിയ എഴുത്തുകാര്‍ എന്ന് താങ്കള്‍ വിശേഷിപ്പിച്ചവര്‍.എല്ലാവരും തന്നെ എഴുതി എഴുതി വലിയവരായവരാണ് . ഞാന്‍ തീര്‍ച്ചയായും താങ്കളുടെ രചന വായിക്കുകയും എന്‍റെ അഭിപ്രായം അറിയിക്കുകയും ചെയ്യാം .

    ReplyDelete
  20. പ്രിയ റഷീദ്ക്ക, പോസ്റ്റ്‌ വായിച്ചു, എല്ലാവരും പറഞ്ഞ പോലെ ഒന്നു കൂടി വാക്യങ്ങള്‍ സംഗ്രഹിച്ചെഴുതിയിരുന്നേല്‍ പേജുകളുടെ എണ്ണം കുറക്കാമായിരുന്നു.... ചുരുക്കി പറഞ്ഞാലാണ്‌ വായനക്കാര്‍ വായിക്കുക. പോസ്റ്റ്‌ ശുഭപര്യവസായിയാ കഥ തന്നെ, അല്‍പം മസാല അവിടെ ഇവിടെയെല്ലാം ചേര്‍ത്ത്‌ ഒരു ഷക്കീല പടത്തിലെ സ്റ്റോറി പോലെയായോ എന്ന് ഞാന്‍ സംശയിക്കണമോ എന്ന് കരുതിയെങ്കിലും പിന്നെ വേണ്‌ടെന്ന് വെച്ചു... ആശംസകള്‍ എന്‌റെ ബ്ളോഗിലേക്ക്‌ ഞാന്‍ ഒൌദ്യോഗികമായി ക്ഷണിക്കുന്നു,

    ReplyDelete
  21. നന്ദി ശ്രീ Mohiyudheen MP എന്‍റെ രചന വായിക്കുകയും താങ്കളുടെ അഭിപ്രായം എഴുതുകയും ചെയ്തതിന്. എന്‍റെ മറ്റു രചനകളില്‍ നിന്നും വളരെയധികം വ്യത്യാസ മുള്ള രചനയാണ് '' ദൃഷ്ടാന്തം"എന്‍റെ മറ്റു രചനകള്‍ വായിച്ചാല്‍ താങ്കള്‍ക്ക് അത് മനസ്സിലാകും എന്ന് ഞാന്‍ വിശ്വസിക്കുന്നു ,താങ്കളുടെ ബ്ലോഗിലേക്കുള്ള ക്ഷണം ഞാന്‍ സ്വീകരിക്കുന്നു .സമയ ലഭ്യത പോലെ താങ്കളുടെ രചനകള്‍ വായിച്ച് എന്‍റെ അഭിപ്രായം ഞാന്‍ അറിയിക്കുന്നതായിരിക്കും.

    ReplyDelete
  22. ഒരു പൂർണ്ണതയുള്ള നല്ല കഥ വായിച്ച ഒരു ഫീൽ കിട്ടി
    നന്നായി എഴുതി, പ്രത്യേകം എടുത്തുപറയാൻ ഒന്നും തന്നെ ഇല്ലെങ്കിലും, തനതായ കഥ എഴുത്തും, വളാരെ നല്ല വക്കുകളുടെ ഒത്തിണക്കവും കഥ വയിക്കൻ രസമുളവാക്കി, തുടരുക ഈ പ്രയാണം ഇനിയു നല കഥകൾ ഒരു പാട് വരട്ടെ എന്ന് ആശംസിക്കുന്നു
    എല്ല ഭാവുകങ്ങളും

    ReplyDelete
  23. നല്ല കഥ ഇഷ്ടായി ..!

    ReplyDelete
  24. നന്ദി ശ്രീ .ഷാജു അത്താണിക്കല്‍ വീണ്ടുംവീണ്ടും എഴുതുവാന്‍ പ്രചോദനം നല്‍കുന്ന വാക്കുകള്‍ക്ക്

    ReplyDelete
  25. നന്ദി ശ്രീമതി.kochumol നല്ല വാക്കുകള്‍ക്ക്‌

    ReplyDelete
  26. എന്റെ പേര് ലിലിയൻ എൻ. ഇത് എന്റെ ജീവിതത്തിലെ വളരെ സന്തോഷകരമായ ദിവസമാണ്. ഡോ. സാഗുരു എനിക്ക് നൽകിയ സഹായത്താൽ എന്റെ മുൻ ഭർത്താവിനെ മാന്ത്രികവും പ്രണയവും ഉപയോഗിച്ച് തിരികെ കൊണ്ടുവരാൻ എന്നെ സഹായിച്ചു. ഞാൻ വിവാഹിതനായി 6 വർഷമായി, ഇത് വളരെ ഭയങ്കരമായിരുന്നു, കാരണം എന്റെ ഭർത്താവ് എന്നെ വഞ്ചിക്കുകയും വിവാഹമോചനത്തിനായി ആഗ്രഹിക്കുകയും ചെയ്തിരുന്നു, എന്നാൽ ഡോ. സാഗുരു ഇൻറർനെറ്റിൽ ഇമെയിൽ കണ്ടപ്പോൾ, ഇത്രയധികം പേരെ എങ്ങനെ തിരികെ കൊണ്ടുവരാൻ അദ്ദേഹം സഹായിച്ചിട്ടുണ്ട് എന്നതിനെക്കുറിച്ച് ബന്ധം പരിഹരിക്കാൻ സഹായിക്കുക. ആളുകളെ അവരുടെ ബന്ധത്തിൽ സന്തുഷ്ടരാക്കുക. ഞാൻ എന്റെ സാഹചര്യം അദ്ദേഹത്തോട് വിശദീകരിച്ചു, എന്നിട്ട് അവന്റെ സഹായം തേടി, പക്ഷേ എന്റെ ഏറ്റവും വലിയ ആശ്ചര്യത്തിന്, അദ്ദേഹം എന്റെ കാര്യത്തിൽ എന്നെ സഹായിക്കുമെന്ന് അദ്ദേഹം എന്നോട് പറഞ്ഞു, ഇവിടെ ഞാൻ ഇപ്പോൾ ആഘോഷിക്കുകയാണ്, കാരണം എന്റെ ഭർത്താവ് നല്ല കാര്യങ്ങൾക്കായി മാറിയിരിക്കുന്നു. അവൻ എപ്പോഴും എന്റെ കൂടെയിരിക്കാൻ ആഗ്രഹിക്കുന്നു, എന്റെ സമ്മാനം കൂടാതെ ഒന്നും ചെയ്യാൻ കഴിയില്ല. എന്റെ ദാമ്പത്യം ഞാൻ ശരിക്കും ആസ്വദിക്കുന്നു, എന്തൊരു വലിയ ആഘോഷം. ഞാൻ‌ ഇൻറർ‌നെറ്റിൽ‌ സാക്ഷ്യപ്പെടുത്തുന്നത് തുടരും, കാരണം ഡോ. ​​സാഗുരു യഥാർത്ഥ അക്ഷരപ്പിശകാണ്. ഇമെയിൽ വഴി ഇപ്പോൾ ബന്ധപ്പെടുന്ന ഡോക്ടർ സാഗുരുവിനെ സഹായിക്കാൻ നിങ്ങൾക്ക് ആവശ്യമുണ്ടോ: drsagurusolutions@gmail.com അല്ലെങ്കിൽ ഈ നമ്പറിൽ അദ്ദേഹത്തെ വാട്ട്‌സ്ആപ്പ് ചെയ്യുക +2349037545183 നിങ്ങളുടെ പ്രശ്‌നത്തിനുള്ള ഒരേയൊരു ഉത്തരം അവനാണ്, മാത്രമല്ല നിങ്ങളുടെ ബന്ധത്തിൽ നിങ്ങൾക്ക് സന്തോഷം നൽകുകയും ചെയ്യുന്നു.
    1 ലവ് സ്പെൽ
    2 വിൻ എക്സ് ബാക്ക്
    3 ഗർഭത്തിൻറെ ഫലം
    4 പ്രൊമോഷൻ സ്പെൽ
    5 സംരക്ഷണ സ്പെൽ
    6 ബിസിനസ്സ് സ്പെൽ
    7 നല്ല ജോലി സ്പെൽ
    8 ലോട്ടറി സ്പെൽ, കോർട്ട് കേസ് സ്പെൽ.

    ReplyDelete

പ്രോത്സാഹനമാണ് വീണ്ടും എഴുതുവാനുള്ള പ്രചോദനം .എന്‍റെ കൃതികള്‍ വായിക്കുന്ന പ്രിയ സുഹൃത്തുക്കളുടെ മനസ്സ് തുറന്നുള്ള അഭിപ്രായങ്ങളും പ്രോത്സാഹനവും ഞാന്‍ പ്രതീക്ഷിക്കുന്നു.എല്ലാവരിലും നന്മകള്‍ ഉണ്ടാവട്ടെ